Nordaustarktisk torsk
Dei viktigaste gytefelta for nordaustarktisk torsk er i Vesterålen/Lofoten. Egga blir gytt i frie vassmasser i februar–april. Både egg og larvar driver med straumen inn i Barentshavet, og yngelen bunnslår seg der seint på hausten.
Meir om nordaustarktisk torsk
Nordaustarktisk sei
Dei viktigaste gytefelta i norske farvatn er Lofoten, Haltenbanken, bankane utanfor Møre og Romsdal, og Tampen og Vikingbanken i Nordsjøen. Fiskeegg og -larvar blir førte nordover med straumen. Yngelen etablerer seg i strandsona langs kysten frå Vestlandet og nordover til søraustleg del av Barentshavet og vandrar ut på kystbankane som 2- til 4-åring.
Meir om nordaustarktisk sei
Nordaustarktisk hyse
Hysa sine viktigste gyteområde er på vestsida av Tromsøflaket. Det er også viktige gyteområde langs kysten av Nord-Noreg, langs eggakanten utanfor Møre og Romsdal samt utanfor Røstbanken og Vesterålsbankane.
Gytinga er fordelt i perioden mars til juni med hovudtyngde i slutten av april. Hysas føde avhenger av størrelsen på fisken, men består hovudsakeleg av ulike typer botndyr.
Meir om nordaustarktisk hyse
Norsk vårgytande sild
Den norske vårgytande silda har hovudgyting utanfor Møre i februar–mars, men gyter og langs kysten av Nordland og Vesterålen. Silda legger egga på botnen, der dei klekker etter ca. tre veker. Dei nyklekte larvene driver med straumen nordover langs kysten, og driver inn i Barentshavet tidleg på sommaren.
Meir om norsk vårgytende sild
