Torsk - årleg vekst
Kor mykje veks ein torsk i året?
Kor fort ein torsk veks er avhengig av kor den lever. Den veks fortare i varmare vatn, men blir det for varmt trivst den dårleg. Ein torsk i Barentshavet veks ca 10 cm per år fram til kjønnsmodning ved 6-7 års alder, deretter veks den litt saktare.
Torsk langs Norskekysten og i Nordsjøen veks fortare sidan temperaturen er høgare der. Vekta til torsken er proporsjonal med lengda opphøgd i tredje potens (formel for å rekne ut tilnærma vekt: vekt i kg = 0.000009 *(lengde i cm^3). Den lengste torsken som er fiska i Barentshavet var 169 cm lang og 24 år gammal.
